Anglétèr - Frans'... sa pa rienk in mache foutbol, sa Listwar madam' méssié, ek in gran "L".
Moin la entan' in soz.
Dan' tan ban' zanglé ek fransé té i may si locéan, si zot gran bato la vwal, zot té i koz in pé pou sof lambians', sou zot kwafir sévé poupèt' Barbie, zist avan lo kanon té i pète lo fé.
Lo zanglé la larg son kozé: "A zot ban' Fransé, zot i batay pa pou lonèr, zot i batay rienk pou larzan".
Lo fransé la aval son saliv in bout, pi lu la di koma :
"Ben, a nou la, nou batay pou sak nou na pa".
Mèrcrodi disèt novanm démildis', la tomb parey :
Anglétèr in - Frans' dé.
No comments:
Post a Comment